येरळा नदी खोरे: स्थान आणि विस्तार

येरळा  नदी खोरे: स्थान आणि विस्तार (Yerala River Basin: Location and Size)

येरळा नदी कृष्णा नदीची  सर्वात लांब उपनदी आहे. येरळा नदीचा उगम सातारा जिल्ह्यातील खटाव तालुक्याच्या उत्तरेकडील सोलकनाथ  (Solknath ) टेकडीवर झालेला आहे.  येरळा नदी वर्धनगडने वेढलेल्या रांगेतून वाहत जाते आणि नदीच्या डाव्या बाजूस  महिमानगड रांग  आहे.  साधारणपणे नदी दक्षिणेकडे वाहत जाऊन सांगली जिल्ह्यातील ब्रह्मनाळ जवळ कृष्णा  नदीस मिळते.  नदीस तीव्र उतार  असून नदीचे पात्र  वालुकामय  आहे.  (Sangli District Census Handbook, 1991)       

स्थान आणि विस्तार : (Location and Size) 

             येरळा   नदीचे खोरे १६ अंश ५५ मिनिट  ते १७ अंश २८ मिनिट  उत्तर अक्षांश व ७४ अंश २० मिनिट ते ७४ अंश ४० मिनिट पूर्व रेखांशाच्या दरम्यान आहे.  माण  नदीचे खोरे दक्षिण महाराष्ट्रातील सातारा व सांगली जिल्ह्यात आहे. सातारा  जिल्ह्यातील खटाव व कराड तसेच  सांगली जिल्ह्यातील कडेगाव, खानापूर, पलूस, तासगाव या  तालुक्यामध्ये नदीचे खोरे पसरलेले आहे. येरळा   नदी खोऱ्यांचे नदी खोऱ्याचे एकूण क्षेत्रफळ ३०४१ चौ .कि.मी. असून  परीघ ४८१ कि.मी. आहे. येरळा नदी खोऱ्याची लांबी १२४. कि.मी. इतकी आहे.

Yerala River Basin